ಶಿರಸಿ: ನಗರದ ಮರಾಠಿಕೊಪ್ಪದ ಭಗವಾನ ಶ್ರೀ ಸದ್ಗುರು ನಿತ್ಯಾನಂದ ಮಂದಿರ ಶಿರಸಿಯಲ್ಲಿ ಪರಮಹಂಸ ಶ್ರೀ ಸದ್ಗುರು ಮಹಾಬಲಾನಂದರ ಪುಣ್ಯಾರಾಧನಾ ಕಾರ್ಯಕ್ರಮವು ಅ.23, ಬುಧವಾರದಂದು ನಡೆಯಲಿದೆ.
ಬೆಳಗ್ಗೆ 9 ಗಂಟೆಯಿಂದ ಶ್ರೀ ಸದ್ಗುರು ಮಹಾಬಲಾನಂದರ ಪಾದುಕಾಪೂಜೆ, ಪಂಚಾಮೃತಭಿಷೇಕ, ಏಕಾದಶ ರುದ್ರಾಭಿಷೇಕ ಇರುತ್ತದೆ. ಮಧ್ಯಾಹ್ನ 12.30 ರಿಂದ ಗುರುಗಳ ಆರಾಧನೆ ಮಹಾಮಂಗಳಾರತಿ, ತೀರ್ಥ ಪ್ರಸಾದ ವಿತರಣೆ, ಮಧ್ಯಾಹ್ನ 1.00 ಗಂಟೆಗೆ ಬಾಲಭೋಜನ ಹಾಗೂ ಮಹಾಪ್ರಸಾದ ಅನ್ನಸಂತರ್ಪಣೆ ನಡೆಯಲಿದೆ.
ಸಂಜೆ 5-00 ಗಂಟೆಗೆ ನಾಡಿನ ಪ್ರಖ್ಯಾತ ಕಲಾವಿದೆ ಹರಿಕಥಾ ವಿಚಕ್ಷಣೀ ಬೆಂಗಳೂರಿನ ಶ್ರೀಮತಿ ಸುಮಿತ್ರಾನಂದ ಇವರಿಂದ ಅವಧೂತ ಪರಬ್ರಹ್ಮ ಶ್ರೀ ನಿತ್ಯಾನಂದರ ಚರಿತ್ರೆ ನಡೆಯಲಿದ್ದು, ಪಿಟೀಲಿನಲ್ಲಿ ವಿದ್ವಾನ್ ಜಗದೀಶ್ ಶಿಡ್ಲಘಟ್ಟ ಹಾರ್ಮೋನಿಯಂನಲ್ಲಿ ವಿದ್ವಾನ್ ಪ್ರಕಾಶ್ ಹೆಗಡೆ, ಮೃದಂಗದಲ್ಲಿ ವಿದ್ವಾನ್ ನಿತ್ಯಾನಂದ ಕೋಡಗದಾಲ ಸಹಕರಿಸಲಿದ್ದಾರೆ
